Skatkis vol liefde

Watter skatkis sal jy kies?

Ek sê vir die Here baie dankie vir Sy vreeslike baie liefde, vir Sy wonderwerke dade in ons lewe.  Hy verduidelik dat Sy wonderwerkende krag alleenlik deur ons lewe sigbaar kan word wanneer ons waarlik daarin begin glo, wanneer ons waarlik in Hom begin glo.  Hy wys my 3 groot goue skatkiste en sit 'n goot goue sleutel in my hand.  Die Here sê die sleutel is GELOOF.  Wanneer ons geloof kry en in Hom glo, gee Hy vir ons hierdie sleutel watse naam GELOOF is en dit kan al hierdie goue skatkiste oopsluit, dit sluit al die seëninge vir ons oop.  Die eerste skatkis gaan oop en daarbinne is tonne wysheid, kennis en insig.  Die 2de skatkis gaan oop, maar daar is baie goue ronde goed in, amper soos geldstukke.  Die 3de skatkis gaan oop en dis vol bloedrooi harte.  Die Here vra my watse een wil ek hê?  Die kis met die baie kennis, die kis met die rykdom of die kis vol harte? En dadelik hardloop ek na die kis met die rooi harte hê.  Hoekom die rooi harte i.p.v wysheid of rykdom?  Want dadelik het die rooi harte vir my simbolies uitgestaan van God se liefde, en al wat ek wil hê, is Sy liefde.  Want as ek Sy Liefde kan hê, kan ek Hom begin uitleef op aarde, dan eers kan ek Jesus se hande en voete op aarde wees.  Dis al wat ek wil hê. Ek wil Hom behaag in alles wat ek doen.  Die Here sê omdat ek eerder die harte, dus Sy Liefde gekies het bo rykdom en kennis, sal Hy die res ook aan my toevertrou.  Hy sê die Skrif in Matt:  "soek eers die koninkryk van God en die res sal jou toegevoeg word."  Jooooeee, dankie my liefde God en Vader.  My hart loop so oor van liefde vir God, ek wil net jubel en juig.  Ek begin vir Hom sing en dans en ek sing:  Dit borrel in my want ek so bly, Jesus het my lief…… En my Gees kan nie ophou om vir die Here te sê hoe baie baie baie lief ek Hom het nie, dit borrel behoorlik binne my.

Die Here ken ons harte, Hy weet wat in elkeen se hart aangaan, Hy deursoek ons harte elke dag…  Soek God vir Sy Liefde elke dag, vra Hom elke dag met 'n opregte hart om Sy liefde in jou hart te deponeer.  As Hy weet jy sal Sy Liefde gebruik tot eer van Hom, sal Hy Sy liefde in jou hart deponeer dag na dag. 

1 Kor 13:  (1)  Al sou ek die tale van mens en engele spreek, en ek het nie die liefde nie, dan het ek 'n klinkende metaal of 'n luidende simaal geword.  (2)  En al sou ek die gawe van profesie hê en al die geheimenisse weet en al die kennis , en al sou ek al die geloof hê, sodat ek berge kon versit, en ek het nie die liefde nie, dan sou ek niks wees nie.  (3)  En al sou ek al my goed uitdeel, en al sou ek my liggaam oorgee om verbrand te word, en ek het nie die liefde nie, dan sou dit my niks baat nie.  (4)  Die liefde is lankmoedig en vriendelik;  die liefde is nie jaloers nie;  die liefde praat nie groot nie, is nie opgeblase nie,  (5)  handel nie onwelvoeglik nie, soek nie sy eie belang nie, word nie verbitterd nie, reken die kwaad nie toe nie, (6)  is nie bly oor die ongeregtigheid nie, maar is bly saam met die waarheid.  (7)  Dit bedek alles, glo alles, hoop alles, verdra alles.  (8)  Die liefde vergaan nimmermeer;  maar profesieë - hulle sal tot niet gaan;  of tale - hulle sal ophou;  of kennis - dit sal tot niet gaan.  (9)  Want ons ken ten dele en ons profeteer ten dele.  (10)  Maar as die volmaakte gekom het, dan sal wat ten dele is, tot niet gaan.  (11)  Toe ek 'n kind was, het ek gepraat soos 'n kind, gedink soos 'n kind, geredeneer soos 'n kind;  maar nou dat ek 'n man is, het ek die dinge van 'n kind afgelê.  (12)  Want nou sien ons deur 'n spieël in 'n raaisel, maar eendag van aangesig tot aangesig.  Nou ken ek ten dele, maar eendag sal ek ten volle ken, net soos ek ten volle geken is.  (13)  En nou bly geloof, hoop, liefde - hierdie drie;  maar die grootste hiervan is die liefde."